Fyrir hverja er þjónustan?

Akademíska starfsmenn og framhaldsnema á Heilbrigðisvísindasviði HÍ. Ekki er veitt ráðgjöf eða aðstoð við verkefni í námskeiðum.

Hvað er í boði?

Tölfræðiráðgjöf Heilbrigðisvísindasviðs veitir vísindafólki ráðgjöf við tölfræðilegar greiningar í rannsóknum. Við Tölfræðiráðgjöfina starfa 3 – 4 sérfræðingar í tölfræði. Hlutverk þeirra er að veita starfsfólki og framhaldsnemum á Heilbrigðisvísindasviði faglega aðstoð og ráðgjöf.

ATH: Einungis er hægt að fá tíma þriðjudaga og fimmtudaga í almenna ráðgjöf og miðvikudaga í Íslenskri Erfðagreiningu, og nauðsynlegt er að panta tíma fyrirfram

1. Stuttar fyrirspurnir

2. Styttri ráðgjöf

  • Er hugsuð sem ráðgjöf veitt með viðtölum á skrifstofu ráðgjafarinnar í eitt eða tvö skipti í 1-2 klst í senn.

3. Lengri ráðgjöf

  • Í boði er lengri ráðgjöf með möguleika á formlegu samstarfi við flóknari tölfræðiúrvinnslu sem krefst meiri tíma af hálfu tölfræðingsins. Meðhöfundaréttur tölfræðings verður skoðaður.

Tímapantanir

Spurningar sem þarf að svara þegar tími er pantaður:

  1. Ertu akademískur starfsmaður eða framhaldsnemi innan HVS?
  2. Deild (og rannsóknastofa ef við á)
  3. Lýsandi heiti rannsóknarverkefnis
  4. Ábyrgðarmaður rannsóknarverkefnis
  5. Rannsóknarspurning eða markmið rannsóknarinnar
  6. Rannsóknarsnið eða aðferð við gagnasöfnun
  7. Eðli gagnanna (lýsandi breytur, gerð gagna)
  8. Hvers kyns ráðgjafar er óskað? (t.d. aðtoð við rannsóknaráætlun, aðstoð við gagnaúrvinnslu, túlkun niðurstaðna)

Við hverju má búast þegar fengin er ráðgjöf?

  • Þegar óskað er eftir ráðgjöf er gott að svara spurningunum hér fyrir ofan til að ráðgjafinn nái að skilja gögnin og rannsóknaspurningarnar sem best áður en komið er í viðtal.
  • Í sumum tilfellum getur tölfræðingur þjónustunnar svarað erindinu strax í fyrsta viðtali en í öðrum tilfellum þarf hann/hún að afla sér frekari upplýsinga til að finna hentugustu lausnina.
  • Starfsmenn Tölfræðiráðgjafar HVS geta svarað spurningum um mismunandi pakka í ýmsum tölfræði forritum. Við höfum aðgang að R, SPSS, STATA og fleiri. Starfsmenn okkar eru ekki sérfræðingar í hverju þeirra en munu gera sitt besta til að svara spurningum um þau tölfræði forrit sem viðskiptavinir nota.
  • Þegar tími hefur verið bókaður og spurningum svarað, mun ráðgjafi þjónustunnar hafa samband við þig eins fljótt og auðið er til að staðfesta bókunina eða leggja til breyttan tíma.
  • Tölfræðingar Tölfræðiráðgjafar HVS eru einungis ráðgjafar. Okkar hlutverk er að aðstoða viðskiptavini ráðgjafarinnar við að velja hentugustu lausnina til að viðskiptavinurinn geti unnið verkið sjálf/ur.
  • Ekki er ætlast til að starfsmenn ráðgjafarinnar vinni tölfræðilegar greiningar fyrir rannsakendur nema um það sé samið fyrirfram og meðhöfundarréttur tölfræðings skoðaður.
  • Kostnaður: Greiða þarf fyrir þjónustuna samkvæmt ákvörðun HVS

Gjaldskrá

Frá og með desember 2018 er þjónustan gjaldfrjáls fyrir nemendur og starfsfólk Háskóla Íslands. Þó þarf að taka fram á hvaða einingu innan HÍ skal skrá þjónustuna.

Gjaldskrá gefin út 1. desember 2018.